Las classas che sa participeschan a l’alpconnectar dovran per il barat linguistic differentas pussaivladads tecnicas.

Co vegn lavurà?

Sper il barat da mails ed il diever d’ina soluziun-cloud, nua ch’il material elavurà vegn deponì, è la conferenza da video per activitads specificas per emprender ina lingua in instrument central che po vegnir duvrà da l’entira classa u da pitschnas gruppas da lavur.

scambi600

Las scolas – alpconnectar han

  • PCs, laptops u tablets
  • colliaziun cun la rait (cun tant volumen da datas transferibel sco pussaivel 30/10 Mbit/s)
  • apparat da video u visualizer
  • beamer
  • consentiment dals/da las responsabels/-las per l’educaziun areguard la preschentaziun en l’internet

 

La rait da barat

En ils chantuns bilings sa barattan las scolas dal medem chantun. Uschiglio pon ins vegnir enavos sin il model da triangul: Alternant surprenda ina scola la rolla sco utilisadra da la L2 e la rolla sco experta en (l’atgna) L1.

modelli

Tge fan las persunas d’instrucziun?

Las persunas d’instrucziun han in’impurtanta rolla en l’alpconnectar:

  • Ellas prendan si contact cun ina u pliras scolas da partenari.
  • Ellas sa cunvegnan davart urari e cuntegns.
  • Ellas infurmeschan las scolaras/ils scolars, ils geniturs ed ils cussegls da scola.
  • Ellas sa perfecziuneschan areguard soluziuns tecnicas e lur utilisaziun.
  • Ellas planiseschan activitads da project en la classa e talas cun la(s) classa(s) da barat.
  • Ellas controlleschan la lavur da barat (repartiziun guliva dals pensums da las scolaras/dals scolars).
  • Ellas organiseschan (eventualmain) pussaivladads da barat realas.