Al project che ha cumenzà l’onn da scola 2014-2015 prendan part 7 classas primaras, las qualas èn partidas en trais raits da barat:

Il model da triangul – classas da Sonvico (TI), Monthey (VS) e Scharans (GR), mintga classa ha la funcziun d’experta en la L1 per ina classa da partenari nua che quella lingua vegn emprendida sco L2. Uschia sustegna la classa da Sonvico (talian L1) las scolaras ed ils scolars da Scharans (talian L2) e lezzas/lezs gidan da lur vart la scola da Monthey (franzos L1) d’emprender tudestg. Las scolaras ed ils scolars da Monthey (franzos L1) ageschan sco expert(a)s per la classa da Sonvico (franzos L2).

Il model bilateral en il Grischun – Las classas da Felsberg e Poschiavo
in barat a l’intern dal chantun per tudestg e talian

Il model bilateral en il Valais – Las classas da Flanthey e Naters (VS)
in barat a l’intern dal chantun per tudestg e franzos

Las activitads èn partidas en duas fasas:

  1. fasa: Test
  • Lavur cun unitads d’instrucziun pli pitschnas
    p.ex. “Jau ma preschent“: Las scolaras/ils scolars sa preschentan a la classa da partenari
    registraziuns da video e preschentaziuns individualas
    barat da las registraziuns (sur la plattafurma-web communabla)
  • Empruvar ils indrizs tecnics
    chargiar e telechargiar las registraziuns da video
    conferenza da video tranter las classas
  1. fasa: Plans extendids
  • I vegn lavurà vi dad ina unitad didactica (interdisciplinara) pli extendida –
    p.ex. (Bipolar GR) “Il return dal luf e dals urs en noss culms“
  • activitads interdisciplinaras
  • il material per il barat vegn mess a disposiziun
  • preschentaziun vicendaivla dals resultats da lavur cun agid da las pussaivladads tecnicas (e-mail; registraziuns da video; conferenza da video)