alpconnectar mussa pussaivladads didacticas en connex cun il barat linguistic che pon vegnir surprendidas ed applitgadas da mintga scola.

alpconnectar sa drizza spezialmain a persunas d’instrucziun che vulan sviluppar l’emprender da la L2 en in context didactic, in context che surpassa il rom professiunal ed en furma da project.

alpconnectar aspirescha las suandantas finamiras da l’instrucziun:

  • promover las cumpetenzas da communicaziun da la L2 en tut ils champs linguistics, pia en il leger, il tadlar, il scriver ed il discurrer
  • reducir retegnientschas en la communicaziun directa en la L2
  • augmentar tras pussaivladads da barat tranter giuvenil(a)s da medema vegliadetgna la motivaziun per emprender la L2
  • promover l’esser conscient per las differenzas e las sumeglientschas culturalas da las differentas regiuns linguisticas culturalas

Las premissas necessarias cumpiglian surtut la tecnica:

  • avunda tablets u PCs per classa
  • colliaziun cun l’internet
  • avunda volumen da datas transferibel en la lingia da transmissiun (upload/download)
  • apparat da video, microfon ed autpledader
  • beamer
  • en cas ideal ina tavla da paraid interactiva
  • ultra da quai fissi ideal d’avair in attatg vi d’ina lingia da fibra da vaider